Product Information

｢藍色橡樹酒莊（Chene Bleu）｣

法國頂級精緻酒莊，被譽為世上最令人驚喜嘅葡萄酒新貴之一，並限量在環球各處最優秀嘅餐廳供應。酒莊由前倫敦證券交易所首席執行官Xavier Rolet與其妻子、妹妹、妹夫共同創建，憑藉多年努力，將一家已荒廢的中世紀葡萄園，重新塑造成為令人耳目一新嘅精緻酒莊。酒莊專注於透過有機及生物動力學釀造美酒，在種植葡萄及釀酒技術方面，更特別著重對環境嘅保護，同時務求在創新與傳統間取得平衡，衍生出扣人心弦嘅佳釀。
酒莊曾為9世紀嘅一座修道院，位於羅納河谷（Rhone）南部，係法國最高嘅葡萄園之一（海拔600米），果園位於聯合國教科文組織生物圈保護區以內嘅靜謐山頂上，被Ventoux山脈圍繞，此處據聞係環法單車賽中最艱辛嘅路段，曾經嘅修道院亦係十字軍的聖殿騎士團嘅一個補給站，充滿歷史意義。英王查理斯曾以此地葡萄園為畫作題材，以水彩捕捉其優美景色。

DETAIL-NOTICE